Irutxuloko Hitza

Liburu eta disko zahar eta aukerakoen azoka, gaurtik aurrera

Azoka

Guztira 43 postu izango dira Gipuzkoa plazan irailaren 21a arte, iaz baino bi gehiago.

erredakzioa

Aukerakoak, hau da, berriak baina deskatalogatuak daudenak eta zaharrak, 100 urte baino gehiago dituztenak. Askotariko gaiak eta aleak aurki daitezke Liburu eta disko zahar eta aukerakoen azokan. Euskadiko Liburu Azoken Batzordeak dioenez, Donostian Mundu Gerra, Karlistadak, euskal gaiak eta gastronomia liburuak saltzen dira gehien. Bildumagileentzako argazki, postal eta kartelak ere salgai izan ohi dira.

Batzordearen ustez, azokak irakurzaletasuna bultzatu eta zabaltzeko balio du eta irakurleei liburuak merke erosteko aukera eskeintzen die, esaterako, euro batetik aurrera. Euskal Autonomia Erkidegoan biztanleriaren %57,4ak irakurtzeko ohitura du.

Hurrengo larunbatean, irailaren 13an, Lumar taldearekin liburu zaharren errestaurazio erakustaldia izango da.

############

FITXA

Lekua. Gipuzkoa plaza.

Noiz. Irailaren 21a arte.

Ordutegia. 11:00etatik 14:00etara eta 17:00etatik 21:00etara. Larunbat, igande eta jaiegunetan ordu erdi gehiago.

############