Irutxuloko Hitza

Gros Xake Taldea, Espainiako txapelketan

Xakea

Iretza-Gros taldeak taldekako Espainiako Txapelketa jokatuko du Mallorcan talde indartsuen aurka.

erredakzioa

Ez du batere erraza izango Iretza-Gros Xake taldeak lehenengo postuetan bukatzea Espainiako Taldekako Xake Txapelketan. Mallorcan jokatzen ari da atzotik eta igandean bukatuko da lehiaketa hau.

Espainiako Ohorezko Mailan jokatzen duten donostiarrek kategoria honetako talderik indartsuenen aurka jokatuko dute egun hauetan. Europako txapelduna den Linex-Merida, Cajacanarias edo Sestao Naturgas taldeek donostiarren lana oso zail jarriko dute, guztiek jokalari bikainak dituztelako.

Gaur Europako txapeldunen aurka, Linex Meridaren aurka, jokatuko du Iretza-Grosek. Ostiralean Sestao Naturgas larunbatean Cajacanarias eta Igandean Marcote izango dituzte aurkari donostiarrek .

Talde sendoa du Grosek

Baina nahiz eta arerioak indartsuak izan, Grosekoek aurten talde bikaina dute. Munduko txapeldun izandako RustanKasimdzhanov, azken Munduko Txapelketan hirugarren izan zen Boris Gelfland eta Asiako txapelduna den Penxiang Zhangek jokatuko dute hiriko taldean. Etxekoen aldetik, Iñigo Argandoñak duen maila bikaina erakutsiko du Mallorcan.